मलाई हराउनु छ कहिँ टाढा
जहाँ भावनाहरू नवगोस्
मलाई बन्नु छ निक्कै गाढा
जहाँ सम्झनाहरू नपातलियोस्
मलाई आकाशले बादललाई डोर्याए जसरी
साबुनको फिजको डल्लो बादलमा उडे जसरी
नदीमा तैरिएको हलुका पातलो पात जसरी
हिँड्न मन छ डोरिएर आकाशसँगै
उड्न मन छ, मात्र अन्तरिक्षसम्म
पुग्न मन छ, तैरिएर सागरसम्म
बिना कुनै सङ्कोच पूर्ण निस्फिक्री भएर।।
उडिरहेका छन् आकाशमा थुप्रै चराहरू
सन्ध्यामा गुड सम्म पक्कै पनि पुग्नेछन्
म पनि उडिरहेको छु, तैरीरहेको छु तर
मेरो छैन, त्यस्तो कुनै गन्तव्य
मेरो छैनन् त्यस्तो कुनै योजनाहरू
आवोस् मलाई आपतविपत अनि भवितव्य पनि
तर म त मात्र, आजको लागि बाँचेको छु
भविष्य त मैले, शून्य बराबर साँचेको छु
कैयौँ पटक सपनाहरू विपनामै
लौरिसरी पिटिक्कै भाँचेको छु
त्यसैले त म अरुभन्दा फरक छु नी
किनकि मैले त
वर्तमान सम
यको, नाडी छामेको छु lll